OVAKAV ULOV NE PAMTE NI NAJSTARIJI: UPECALI TUNU OD ČAK 266 KILOGRAMA

Brojni kupači i gosti kafića u Rafailovićima, ljetovalištu kraj Bečića na Budvanskoj rivijeri, obustavili su juče ujutru kupanje, sunčanje i ispijanje pića, potrčali su da vide morsku grdosiju koju je upravo sa pučine dovukao jedan gliser, i kakva do sada nije viđena.

Bila je teška 266 kilograma i duga 270 centimetara. Ni najstariji ribari ne pamte da je veća tuna ikada ulovljena na crnogorskom dijelu Jadrana.

Ogromnu tunu ulovili su 18-godišnja Anđelika Rafailović, njen stric Branko Rafailović i njihov kum Nikola Stanišić. Svi iz Rafailovića i svi bez velikog ribarskog iskustva, naročito buduća studentkinja.

Džinovska riba je ulovljena na parangal – najlona na koji je navezan niz udica, a na kojima su kao mamci bile skuše. Parangal je, vezan za teg, bačen u more sinoć na deset milja od obale na dubinu od 100 metara.

  • Nas troje smo juče ujutru oko 5:30 isplovili iz Rafailovića i poslije sat vremena došli na poziciju nadajući se ulovu. Svakako ne ovolikom. Najveća tuna koju smo do sada uhvatili bila je teška 80 kilograma. Kada smo počeli da izvlačimo parangal nije išlo lako, mislili smo da se zakačio za dno – priča za Blic Anđelika Rafailović.

Svom snagom je sa stricem i kumom, kaže, vukla parangal punih sat vremena. Poslije nekog vremena jasno im je bilo da je ulov tu, ali ne koji i koliko težak. U jednom trenutku su imali osjećaj da izvlače stijenu.

  • Stric i kum su lovci, i ribare tek ponekad. Kada smo izvukli ribu u gliser oni su bili zaprepašćeni, a kamoli tek ja. Nisam mogla da dođem sebi. Tek kada smo došli kući shvatila sam šta smo ulovili, naročito ako se zna da je najlon bio prilično tanak a udica mala za ovoliku ribu. Nikada nisam mogla zamisliti da će toliku ribetinu iko upecati, a kamoli ja – priča djevojka iz Rafailovića.

Tuna je, najvjerovatnije, mamac progutala noćas i kako nije uspijela da se oslobodi udice vremenom je uginula. Da je bila živa i pružala otpor teško da bi je troje ribara izvadili iz mora i sa mnogo jačim priborom.

  • Čini mi se da se stotine ljudi sjatilo oko nas da vidi ribu od koje je poslije čišćenja ostalo oko 170 kilograma mesa. Tuna se u subotu uveče našla na meniju restorana “Tri ribara” u Rafilovićima – prenijela je Anđelika.

Hayat pratite putem aplikacija za iPhone/iPad & Android uređaje, a sve naše kanale gledajte UŽIVO putem servisa ‘GLEDAJ Hayat‘ na aplikacijama i portalu. Sve propuštene emisije i najbolje serije unaprijed gledajte u videoteci ‘Hayat PLAY’.

Ukoliko smatrate da sadržaj objavljen na portalu hayat.ba krši vaše autorsko, lično ili drugo pravo ili interes, možete zahtijevati objavu odgovora ili ispravke. Slučaj će biti u najkraćem roku razmotren, a sporni sadržaji biće uklonjeni ili ispravljeni odmah po eventualnom ustanovljavanju istinitosti sadržaja žalbe. Sve pritužbe kao i prigovore možete slati na e-mail adresu digitala@hayat.ba. Materijal poslat na ovu e-mail adresu će se smatrati pravovaljanim. Svi drugi oblici prigovora neće se smatrati relevantnim i portal hayat.ba nema obavezu postupiti po istim.

NAJNOVIJE