- Gledam u zvijezde. Noć je čista i zvezdani put se čini tako blizu. Tamo idem uskoro. Svi smo materija iz zvijezda. Ne plašim se. Samo da sklopim oči i osjetim ljepotu oko sebe. I uhvatim vazduh na nebu punom zvijezda. Udahni, izdahni. To je sve – bile su riječi koje je Mira Furlan izgovarala kao Delen u TV seriji “Vavilon 5”, a koje su odjeknule nakon vijesti o smrti glumice.
Za glumicom tuguju fanovi širom bivše Jugoslavije, ali i Amerike. Mnogi podsjećaju kako je od mržnje pobegla u Ameriku s mužem, rediteljem Goran Gajićem:
Region se oprašta od legendarne glumice
- Jednom je pobjegla iz jugoslovenskog ludila, sada je pobjegla zauvijek. Ali, legenda živi…
- Mira Furlan je bila toliko svoja, posebna, u svemu što je radila, da će ostati u sjećanju ne samo kao izvrsna glumica nego kao jedna od onih koje su živjele uspravno i časno, odupirući se hrabro kad je bilo teško. Hvala joj na svemu.
Uzrok smrti poznate glumice još nije poznat, ali je tvorac serije “Vavilon 5” u kojoj je igrala nekoliko sezona i koji se oprostio od nje na društvenim mrežama, rekao da je već neko vrijeme imala probleme sa zdravljem.
Tuguju i fanovi širom svijeta
- Tako tužna vijest…. Dok ne dobijemo šansu da se ponovo sretnemo sa druge strane Počivaj u miru, i spavaj u svjetlosti, draga Miro – samo je jedna od brojnih reakacija na smrt proslavljene glumice Mire Furlan na društvenim mrežama.
- Upoznao sam Miru šest ili sedam puta i tako često pričao s njom. Ovo je tako tragična vijest. Još jedna članica familije “Vavilon 5” otišla je… – podsjetio je drugi.
- Imala je pogled… Bila je tako divna, talentovana i duhovita, pišu svi iz Amerike na Twitteru, podsjećajući da je njena uloga u seriji “Vavilon 5” bila je jedna od najinspirativnijih u ovoj naučno fantastičnoj seriji, jednoj od najboljih ikad.
